“Бурхан өршөөг”

Монгол хүнийг бурхан өршөөг! Монгол төрийг бурхан өршөөг! Монгол улсыг бурхан өршөөг!

Монголын кино урлагийн ертөнцөд цоо шинэ дэлгэцийн бүтээл мэндэлж буйг дуулгахад таатай байна. Энэ нь "Бурхан өршөөг" нэртэй эмгэнэлт, инээдмийн уран сайхны кино юм.

Гол дүрүүд

Сундуй: /Хүнс хөдөө аж ахуйн дэд бүтцийн бодлогын сайд/: Ц.Төмөрбаатар

Цэлмэг/Ботго овогт Гоёогийн Цэлмэг. Чингэлтэй дүүргийн тавдугаар хороонд эхнэр, хүүгийн хамт амьдардаг. Тэрээр төрийн албанд ажилладаг нэгэн./ М.Баярмагнай

Цацрал: /Тэр бол сайдын ганц хайртай охин бөгөөд дуучин./ Б.Хулан

Мөнхсайхан: /Мөнхсайхан бол Цэлмэгийн байрны дүү. Тэр Солонгост суугаа монголын элчин сайдын зөвлөхөөр дөрвөн жил ажилласны дараагаар томилолтын хугацаагаа дуусган эх орондоо ирдэг. Ирсэн даруйдаа Цэлмэгийн компанид дэд захирлаар орно. Мөн тэрээр сайдын охин Цацралд өөрийгөө хайртай хэмээн итгүүлж  луйвар хийхийг оролддог ч эцэст нь бүтэлгүйтддэг./

Манлайбаатар: /Тэрээр хэдий архинд донтсон нэгэн ч Ардчилал, шударга ёс, Тусгаар тогтнол гэж юу болохыг сайн мэддэг, ухаантай хүн./ Н.Ялалт

Дэлгэр: /Тэр кинонд гарах эсрэг талын дүр. Дэлгэр сайдын тавьсан хоригийг өөрөөс нь цуцлахыг хүсч, их хэмжээний мөнгө амална. Гэсэн ч сайд түүний шударга бус үйл явдлыг үл тэвчин, гуйлтыг нь нааштай хүлээж авахгүй л болов уу./ Ц.Цэрэнболд

Үйл явдал /товчхон/

Хотын өглөөд нар мандахад нэгэн эр гадаа үхсэн хэвтэж байна. Энэ үйл явдлаар кино эхлэх ч угтаа киноны төгсгөл юм. Харин кино хэрхэн үргэлжлэх нь зургаан хоногийн өмнө болсон тэр үйл явдлыг дурсан, хүүрнэн өгүүлсэнээр өрнөдөг.